شاهیر
ستار سوقی
شاهیر دوستوم عایدی اونق ینگ عزیز
اوغلی دانگ آتار جانینگ نایینجار اؤلومینه باغیشلایارین
سنگ نیه تینگ
آتیرجاقدینگ دانگ لاری ١،
منگ نیه تیم
گتیرجکدیم یازلاری ٢.
سنگ:
دانگینگ دانگینگا یتمأنی غالدی،
منگ:
یازیم گۆللرین آچمانی غالدی.
شیله ایقباللی بیزینگ دۆنیأمیز،
اوْینان یریمیز،
اؤسن یریمیز،
یاشان یریمیز.
ایلینگ ایقبالیندان باشغا دأل عایدی!
ایقبال لاریمیز.
ایلینگ دابانینا دۆرتن تیکن لر!
بیزینگ باغریمیزا دوُرتیپ هم بیلر.
شوْنگا تایین بوْلمالی،
شاهیر ایقبالی
دییه سیم گلیأر.
شیله تاقدیرلارا دۆزیلن بوْلسانگ،
ایچینگدأکی اوْدی داشا چیقارمان،
یعقوبینگ هنگینده هینگلنمک گرک.
پراغینگ دنگینده
عشقینگ دردینی
صابیرلی، جیداملی
گؤترمک گرک.
چابغالار ٣ دوْلسا- دا گؤوین قاپ
لارینا
پینهان- پینهان یرده
چینگسمک گرک!
البتده
یاغماق هم گرک دیر حؤکمأن،
بوْشاماق اۆچین
کؤشه مک اۆچین.
ساویق گۆن لرینگدن
شیدیپ داشلاشیپ،
غیزغین گۆنلرینگه
آرتمالی قادام
غوُتاریانچا دِم.
صابیرلی آدام بوْلمالی ها! بیز،
سبأبی:
تاقدیرینگ یسیری
بیزینگ دۆنیأمیز
بیزینگ دۆنیأمیز.
١: دانگ آتار ٢: یازگلدی ٣:
گویچلی یاغیان یاغیش
