Baş Sahypa

Biz Barada

Suratlar

Arhiw

Bize Ýaziň

Myhman depteri

 

A.Welsapar

DOKMAÇY GELNIÑ ÖLÜMI

Dogduk toprakda galdy

Dokma-haly ýüwrülip;

Tamamlandy günleriñ

Bagtyñ jepa öwrülip…

 

Öz aslyndan üzülen

Sen bir azaşan guşduñ.

Iliñden aýrylañda,

Özüñden aýra düşdüñ.

 

Sataşdyñ agyr derde,

Günleriñ boldy sanly.

Bu gün gözüñi ýumduñ,

Geçdiñ gitdiñ armanly.

 

Durmuş ýakdy ýüregiñ,

Agyr ýüki göterdiñ.

Seni alan dertmidi,

Barmydy başga derdiñ?

 

Magşar güni, elbetde,

Ynsana derkar az zat:

Jaýyñ jennetde bolsun,

O dünýäñ bolsun abat!