عطا مراد آتابایف
دورنالار
دورنا گلیأر، دورنا گلیأر،
دورنا گلیأر خاطار- خاطار،
آق دورنالار یره باقیپ
یره باقیپ، گؤکدِن اؤته ر.
یۆزیأر اوْلار غانات گِریپ،
غانات گِریپ گؤک آسماندا،
یۆریأر اوْلار کیر- کیمیرسیز
آراسسا هم پأک آسماندا.
باریپ گِچن گۆیز آی یندا،
توْینوُق قوُروُپ گیدِن
دورنا،
گینگ آسماندا گؤزۆمیزدِن
نوْقات بوْلوُپ ییته ن دورنا.
گؤرۆنگ ینه خاطار- خاطار
خاطار- خاطار بوْلوُپ گلیأر،
خوش هوْوالی یاز پاصلینی
غاناتیندا آلیپ گلیأر.
تاییارلان: تورکمن کولتور
اوجاغی
