Gara
SEİITLIİEW
GAŞY SÜRMELI
Güller gözelligi senden öwrener‚
Göz degmesin‚ gülüm‚ gül çagyň seniň.
Agşamyň şapagy solak görüner‚
Säheriň şapagy ıaňagyň seniň.
Gözleriňe baka bilmen bakaňda‚
Baksam ıürek aıdym aıdıar hakyňda‚
Gül göwsüňe gülıakaňy dakaňda‚
Baglar gözlerimi bentnagyň seniň.
Dogaňda dogupsuň gaşy sürmeli‚
Zülpleriňi ogşap-ogşap örmeli‚
Bagty görmek islän seni görmeli‚
Düşümlidir‚gülüm‚ aıagyň seniň.
Görsem ıüregimde bir tupan turar‚
Görmesem ıüregim mydam ah urar‚
Alkymyňdan atyr ysy bark urar‚
Gülabyň gaımagy dodagyň seniň.
Ölmez‚ güljahanym‚ saňa ıer bolan‚
Gülmez‚ güljahanym‚ saňa zar bolan‚
Körpejekä saňa hyrydar bolan‚
Şahyr ıüregimde soragyň seniň.
