Baş Sahypa

Biz Barada

Suratlar

Arhiw

Bize Ýaziň

Myhman depteri

 

Gurbannazar Ezizow

Gara – gara gargalar

Gar – ga – ýar:

“Biz gonaýsak,

Garalar

Gar! Gar! Gar!”

 

Gonýar gara gargalar,

Gara gargalar.

Dogrudanam, garalýar

Gar! Gar! Gar!

 

Gara – gara gargalar

Kakýar heşelle:

“Bar gar garalar

Garga gara düşende!”

 

Agşama çen garalýar

Gar. Gar. Gar.

Garaňkyda gargalar

Ýerinden örýär.

 

Olaryň täk biri

Bolsa – da iş kyn,

Şol otyr, ak gary

Garaltmak üçin.

 

Gijäniň aýazynda

Gazaplydyr gar.

Garga aýagyndan

Beýnä çen doňýar.

 

Ertesi gün ir bile

Köçe süpürýän

Gara gargan gargany

Oklaýar bir ýan.

 

Gara – gara gargalar

Şahadan örýär.

Gara gargan

                    garganyň

Maslygyn görýär.

 

…Günde gara gargaýar

Gargalar: “ Gak!

                            Gak!”

A gar bolsa, elmydam

Ak!

Ak!

Ak! 
 

çeşme:Gözýetim