Baş Sahypa

Biz Barada

Suratlar

Arhiw

Bize Ýaziň

Myhman depteri

 

Ak Welsapar

NOWRUZ

Nowruz geldi, ýaz geldi!

Saýrak guşlar açdy dil.

Durna bilen gaz geldi,

Oýandy bagda bilbil.

 

Öwsüp ýazyñ howasy

Bahar toýun toýlaýar.

Guşlañ näzik owazy

Gülleñ başyn aýlaýar.

 

Çöllerde owlak-guzy

Sährañ bile biteni.

Geýindi türkmen düzi,

Gyzyl-ýaşyl keteni.

 

Yşka gümra tebigat,

Gün gökde – otly ojak.

Nowruz – misli zerli hat,

Gül-gunça gujak-gujak.

 

Gyz görkün ýada salar,

Atyr ysly säherler.

Täzelendi obalar,

Täzelendi şäherler.

 

Bolmaz şatlygy gowuz,

Gül guşanan biline,

Täze gün, täze Nowruz,

Hoş geldiñ sen ilime!